Indonesia pinaka wangsa sane kawangun antuk makudang kudang suku, ras , budaya, miwah agama sane matiosan. Duaning kadi asapunika panegara Indonesia kasub antuk rasa toleransi. Utamanipun indik kahuripan maagama. Pluralisme agama ring Indonesia sampun sue riinan yening imbangang ring panegara sane lianan. Kerukunan beragama inggih punika kahanan paiketan patraning agama sane kadasarin antuk rasa toleransi. Ring patraning umat maagama mangdane mikukuhin kahuripan pasuka dukan malarapan sasanti saling asah, asih, asuh paras paros sarpanaya ngulati kahuripan sukerta santi. ketreptian miwah rasa toleransi puniki pinih mabuat mangdane panegara Indonesiane tetep ajeg. Yening maosang indik toleransi agama ring Indonesia akeh sampun mamargi sekadi sane sampun kaaptiang. Tuntunan indik kautaman rasa toleransi puniki pinih mabuat pinaka anggen ngrajegang panegara Indonesia druene. Indik ngupapira kerukunan beragama puniki patut kalaksanayang olih makasami sane daos warga Indonesia. Cutetne ngupapira indik ketreptian patraning agama wantah swadarman iraga makasami inggih punika pemerintah, Lembaga agama, parajana miwah angga utawi dewek soan- soang. Sane prasida kamargiang minakadi iraga dados warga Indonesia nenten dados ngasorang agama sane siosan, Numbuhang rasa toleransi antuk saling asihin patraning suku, adat, budaya, miwah agama. Saling wantu utawi mapitulung rikala wenten acara agama utawi hari raya ring agama sane siosan. Nenten mabinayan rikala mapitulung ring kauripan dados warga Indonesia. Setata ngajain miwah nuntun para pretisentana utawi sane kabaos generasi muda indik rasa masikian dados warga Indonesia mawit saking wewidangan kauripan makulawarga ngantos ka kahuripan maprajana. Cutetnyane iraga patut ngupapira ketreptian maagama ring panegara Indonesia puniki mangda prasida ngulati kahuripan sane santi tur panegara druene ajeg.
Indonesia sebagai bangsa yang dibangun oleh beberapa suku, ras, budaya dan agama yang berbeda. Oleh karena itu, negara Indonesia terkenal dengan rasa toleransinya. Terutama mengenai kehidupan beragama. Pluralisme agama di Indonesia sudah lama lebih dulu ada apabila dibandingkan dengan negara lain. Kerukunan beragama adalah keadaan di antara agama yang didasari dengan rasa toleransi. Di antara umat beragama agar dapat memperkokoh kehidupan suka-duka berdasarkan slogan "asah, asih, asuh, paras paros sarpanaya" (saling mengasihi, menjaga, memberi dan menerima satu sama lain) agar menciptakan kehidupan yang penuh damai. Ketertiban dan rass toleransi ini penting agar negara Indonesia tetap terjaga. Apabila berbicara mengenai toleransi agama di Indonesia, sudah banyak berjalan sesuai dengan harapan. Tuntunan mengenai pentingnya rasa toleransi ini sangat penting untuk membuat negara Indonesia semakin teguh. Mengenai memeliharabkerukunan beragama ini harus dilaksanakan oleh semua warga Indonesia. Singkatnya memelihara mengenai ketertiban diantara agama adalah kewajiban kita semua sebagai pemerintah, lembaga agama, masyarakat dan juga diri sendiri. Yang dapat dilaksanakan melalui sikap sebagai warga Indonesia yang tidak boleh menjelekkan agama lain, menumbuhkan rasa toleransi dengan saling mengasihi dan menyayangi di antara suku, adat, budaya dan agama. Saling membantu ketika ada acara agama atau hari raya agama lainnya. Tidak membeda-bedakan ketika memberi pertolongan dalam kehidupan sebagai warga Indonesia. Selalu mengajari dan menuntun para keturunan kelak atau generasi muda mengenai rasa persatuan sebagai warga Indonesia dari lingkungan keluarga sampai ke masyarakat. Kesimpulannya kita harus menjaga ketertiban beragaama di negara Indinesia ini agar dapat menciptakan kehidupan yang damai dan negara kita menjadi teguh.
Enable comment auto-refresher
Ni Luh Eka Maylantari
Permalink |