Satonden rahina Nyepi ne tiang nyingakin media sosial sakadi tiktok liu sajan truna truni ngupload vidio ngae ogoh-ogoh. Kadung klangen mabalih vidio wenten silih tunggil vidio sane nudut kayun tiange. Vidio punika ngunggahang ritatkala ngaryanin ogoh-ogohe sing ada trunane ane teka ka banjar wantah sareng tiga kemanten trunane sane teka ka banjar ngae ogoh-ogoh jeg heran tiang. Sapatutnyane para trunane semangat ngae ogoh-ogoh yening selehin ring seni budaya niki kalaksanayang atiban cepok. Rikala rahina Nyepi pastika sane kajantosang inggih punika pawai ogoh-ogoh utawi ngarap ogoh-ogoh. Yening para trunane nenten prasida ngayah ngaryanin ogoh-ogoh sareng-sareng antuk sekaane pastika pacang ilang budaya Baline. Anak cerik-cerik gen semangat ngae ogoh-ogoh, ada ogoh-ogoh pocong liu sajan di jalan ne, ogoh-ogoh mainan cenik-cenik liu masih di jalanne, nguda jek truna Baline kalahange teken anak-anak cerik Bali. Rikala Pangrupukan Nyepi pastika ogoh-ogoh kagarap antuk rasa suka lan semangat. Wenten para tamu duranegarane utawi tamu domestik teka ka Bali jagi mabalih pawai ogoh-ogoh. Sampun sapatutnyane para trunane ngayah ngae ogoh-ogoh lan ngarap ogoh-ogoh mangda seni lan budaya Baline satata rajeg.
Aktifkan pemuatan ulang komentar otomatis