Para angga panureksa sane wangiang titiang Tim BASAbali Wiki sane kusumayang titiang Para sameton sareng sami sane tresna sihin titian. Pinih ajeng, lugrayang titiang ngaturang panganjali umat, Om Swastyastu Bagia pisan manah titiang rahinane mangkin, sangkaning pasuecan Ida Hyang Widhi Wasa, titiang kaicen galah ngaturang sarin-sarin manah titiange ring lomba Wikithon puniki. Suksma aturang titiang majeng para angga panureksa miwah tim BASAbali Wiki sane sampun ngwacen tulisan titiange. Bali wantah pulau sane becik pisan, akeh madue tradisi lan kebudayaan taler, palemahan sane becik. Nanging, sane mangkin ring Bali akeh pisan wenten luu. Ring margine, ring pasar, taler ring pura mangkin wenten luu. Niki ngaryanin pulau Bali nenten asri malih. Napi malih, semeton nenten kayun ngutang luu ring genahne, pikobet puniki patut wenten solusi saking para manggala. Mangda wenten awig awig sane nguratiang pikobet luu puniki. Ainggih wantah asapunika pangaptin titiange majeng ring para manggala sane pacang kepilih ring Pemilu 2024. Mangde nguratiang pikobet luu sane wenten ring Pulau Bali. Punika titiang prasida ngaturan bebaosan mangdane semeton samian ngresepin napi sane sampun atur titiang iwawu, kirang langkung titiang nunas pengampura tur puputang titiang antuk parama santi, Om Santhi, Santhi, Santhi, Om .
Enable comment auto-refresher