Om Swastysatu, Om Awighnam Astu Nama Sidham, Angayubagia uningayang titiang majeng ring Ida Sang Hyang Widhi Wasa duaning mejanten saking asung kerta wara nugraha ida mawinang titiang pingkalih ida dane prasida mangguh karahajengan saha masadu arep, sakadi mangkin titiang ngiring ida dane sami prasida nyarengin acara Wikithon Partisipasi Publik Bali Berorasi. Ring galahe mangkin, lugrayang titiang ngaturang orasi sane mamurda Kemacetan Sane Wenten Ring Bali.
Trafik macet ring Bali patut kauratiang pisan. Kawentenan kendaraan pribadi sane akeh ngawinang akehnyan margi sane akeh ngawinang macet. Wewidangan sane mangkin keni kemacetan utamanyane ring Bali Selatan inggih punika Kota Denpasar, Badung, Gianyar miwah Tabanan. Silih sinunggil conto kemacetan arus lalu lintas sane mamargi inggih punika ring kawasan jalan By Pass Ngurah Rai akses nuju Pelabuhan Sanur, antuk kawentenan kemacetan punika raris Pemerintah Kota Denpasar pacang ngenetang Parkir liar ring Jalan Bay Pass Ngurah Rai. Yening macet puniki nenten kauratiang akeh pikobet sane prasida kapanggihang minakadi galah sane ical, energi sane kaicalang, ngreredang kawinan kendaraan darurat minakadi ambulan, pemadam kebakaran, miwah sane lianan. Saking akehnyane pikobet sane kamedalang olih macet, titiang ngaptiang pamimpin Bali sane kapilih ring warsa 2024 prasida ngicenin solusi sane prasida ngungkulin macet ring Bali. Pamerintah patut nguratiang pikobet macet puniki mangda nenten akeh pikobet sane pacang rauh.
Inggih punika orasi titiang, kirang langkung titiang nunas pangampura mangda sane wedarang titiang punika kaanggen tur wenten kawi gunanye maka panguntap titiang ngaturang Parama Shanti. Om Shanti Shanti Shanti Om
Aktifkan pemuatan ulang komentar otomatis