Om Swastyastu Sane wangiang titiang angga panureksa. Asapunika taler semeton titiang sareng sami, sane tresna sihin titiang. Angayubagia uningayang titiang majeng ring Sang Hyang Parama Wisesa, duaning mejanten saking asung kerta wara nugraha Ida, titiang ngiring ida dane sareng sami prasida mapupul iriki sajeroning acara Wikithon Partisipasi Publik Bali Berorasi. Ring galahe mangkin lugrayang titiang ngaturang orasi sane mamurda Pelanggaran Marka Jalan .
Sakadi sane sampun ketah keuniningin, ring wewidangan jagat bali sampun sering kepanggihin kemacetan ring margi utamanyane ring wewidangan pariwisata. Napi malih akehnyane krama Bali sane parkir liar ring sisin margi sane nenten pinaka genah parkir. Pikobeti puniki sering kapanggihin santuka akeh krama sane nenten kayun naur parkir ring genah sane sampun kacumawisang. Pelanggaran puniki sane janten ngawinang margi punika macet, taler menganggu jalur lalu lintas lan ngawe pakeweh ring pengendara sane lianan. Saking pikobet puniki, titiang ngaptiang para pemimpin Bali sane pacang kapilih ring warss 2024 mangda ngeuratiang indik awig-awig parkir punika, taler mangda krama Bali setate sungkem ring awig-awig sane sampun kawedangan.
Wantah asapunika sane prasida katur, kirang langkung titiang nunas ampura tur puputang titiang antuk parama santi. Om Santih, Santih, Santih Om
Enable comment auto-refresher