Om Swastyastu, maduluran manah hening nirmala, tan mari titiang ngluhurang rasa pangayubagia majeng ring ida sang hyang widhi wasa. Titiang Ni Wayan Sri Wulandari saking SMK Negeri 2 Denpasar jagi nyobyahang indik Toya Pinaka Prananing Kahuripan. Ida dane sareng sami sane wangiang titiang, iraga sareng sami patut rumasa bagia manados yowana Bali. Sajaba punika iraga patut yukti yukti ngupapira kaasrian miwah keresikan jagat Baline, manut bantang bulan bahasa Bali warsane mangkin inggih punika Danu Kerthi ngupapira toya pinaka prananing kahuripan. Pinaka genah utawi klebutan toyane sane prasida ngamertain sarwa sane maurip ring jagate. Ida dane sareng sami sane wangiang titiang mangkin banget titiang mapinunas. sampunang iraga mapariboya ngupapira toya ring jagate. Sampunang maparilaksana sane mawinan jagate cemer toyane ngupapira toya ring jagate, wantah silih tunggil swadharman iraga sareng sami. Tetujon ipun nenten je tios mabuat pisan mangda iraga sareng sami rahayu, duaning toya pinaka prananing ring kahuripan yening nenten wenten toya, sinah iraga sareng sami prasida padem miwah sekancan sane maurip ring jagate padem. Ngiring Ngiring iraga sareng sami eling sane kawastanin ngupapira toyane sane wenten ring jagat Bali. inggih ida dane sareng sami sane wangiang titiang. Wantah asapunika titiang prasida matur. Mogi mogi ja wenten pikenoh ipun. Maka wusananing atur puputang titiang antuk parama santih. Om Santih Santih Santih Om.
Enable comment auto-refresher