Ritatkala jagate katiben kebrebehan sekadi mangkin minakadi kawentenan virus corona sane sampun nyuntakayang makudang-kudang jadma ring jagate. Ring panegara Indonesia, virus corona punika taler ngelimbak ring makudang-kudang genah ring sajeroning Indonesia. Kawentenan kabrebehang kadi asapunika tan pariwangle ngawetuang pikobet paindikan perekonomian sane dahat kauratiang olih pemerintah. Silih sinunggil program sane kamargiang minakadi bantuan sosial sane katerima olih pare karyawan sane keni PHK ring genahnyane mekarya. Wantuan sane jagi katerima marerupa jinah, akehipun telung atak tali Rupiah Rp. 600.000 nyabrang bulan. Sakewanten ring masyarakat akeh sane iwang penampen, kemanahin makasami sane menggah ring kartu KK jagi ngemolihin wantuan punika. Iwang penampen ring masyarakat puniki pastika sayan ngalimbak riantukan akeh sane nenten uning kayuaktian program sane jagi kemargiang. Mangda kawentenan puniki wenten sayan ngelimbak wenten pikamkam saking ibu ketua PKK Banjar Batur Sari jagi pacing nyobyahang indik sapasira sane jagi nerma wantuan ring bantuan sosal punika. Ritatkala paruman PKK kemargiang raris kasobyahang indik program punika, silih sinunggil sane nerima wantuan inggih punika sapa sira sang sane keni PHK. Kulawarga sane lianan nenten ngemolihin. Ring galahe sane becik punika ketua PKK taler nunas ring anggota PKK sami mangda nyobyahang ring kulawarga soang-soang. Majalaran antuk gatra sane pastika punika mawastu sayan akeh mayarakat sane uning ring kayuaktian program wantuan sosial punika.
Synopsis : Kawentenan virus corona sane ngawetuang pikobet indik perekonomian sane dahat kauratiang olih pemerintah mawastu kawentenan program wantuan soaial ring sang sane keni PHK ring genahnyane mekarya. Sakewanten ring masyarakat ke manahin makasami kulawarga jagi ngemolihing. Ring paruman ketua PKK nyobyahang sane polih wantuan ring program bantuan sosial punka wantah sang sane keni PHK kemanten. Indike puniki mangda kasobyahang ring kulawarga soang-soang mawastu makasami pastika uning rng kayuaktiannyane.
Enable comment auto-refresher