Dumun sadurung wenten Gering Agung Covid - 19 , iraga kantun dangan ngerereh pangupa jiwa, napi malih makarya ring widang pariwisata, kewanten mangkin sampun nungkalik kawentenan nyane ten sandang rage ngandelang pangupa jiwa ring widang pariwisata. Duaning iraga iriki ring Bali, kantun widang-widang tiosan sane patut pidabdabin minekadi madolan. Yan masan pandemi puniki manahang titiang, ngadol ajeng-ajengan sane pinih dangan, duaning iraga pastika pacang ngajeng serahine- rahine. Tios ring punika mangde dangan taler nagingin daging pawaregan. unteng nyane yan ten telas antuk ngadol sisane wantah wenten ngajeng. Kadi kanten ring foto, titiang wantah ngelaksanayang geginan ngadol ajengan bungkus. Indik genah ring jalan A Yani Utara depan toko Daimaru, Lingkungan Banjar Pemalukan, Peguyangan, Denpasar Utara. Mangde presida mamargi utsaha titiang punika, nenten pariwangde titiang nunas uratian ring manggala jagat, utamane manggala ring Bali, manut widang nyane suang-suang. Menawi presida ngicen titiang kridit murah anggen nincapang utsaha titiang. Riantukkan tan sida ka tarka, yan malih pidan kaden Gering Agung Covid - 19 puniki matilar.
Enable comment auto-refresher