Basa Bali, Basa Ibu keto nak ngorahang. Nanging seken ento? Di gumine cara jani, ada adanne gen Z utawi generasi Z, cara jani nak ngorahang generasi gaul. Generasi puniki inggih punika generasi sane sampun canggih teknologi. Akeh budaya-budaya luar bali sane macelep ka bali ulian teknologi sane maju puniki. Imba sane sai raga rasayang sawai-wai inggih punika indik basa. Iraga di Bali ngelah basa ibu, sane mawasta Basa Bali. Akeh anak cerik-cerik jani dueg mabasa Inggris, nanging tusing bisa mabasa Bali. Sebet yen kenehang mula, iraga dadi anak Bali patut bangga teken budaya utawi basa sane gelahang iraga. Nanging pemerintah jani liu pesan ngelah cara anggen ngelestariang basa utawi budaya baline, wenten sane kaadanin Bulan Bahasa Bali. Ring Bulan Bahasa Bali puniki wenten wimbakara utawi lomba indik basa lan budaya bali, sekadi mapidarta basa bali, nyurat aksara bali, masatua bali, macepat, debat mabasa bali lan sane tiosan. Eda kanti ulian jaman modern puniki iraga engsap ngelestariang budaya Bali. Ngiring sareng-sareng iraga ngelestariang budaya lan basa bali. Yen tusing iraga sane ngelestariang, sira sane lakar ngelestariang? Dumogi Bali dados pulau sane budayane kentel tur lestari lan terkenal nganti ka dura negara.
Enable comment auto-refresher