Kauripan sosial dados sarana pabinaan lan keragaman ring selagan manusa. Kauripan sosial lan agama sepatutnyane nenten kasisih sareng sane lianan. Toleransi agama sane ideal patut kawangun malarapan antuk partisipasi aktif saking pakraman meagama sane beragam mangda nyidang ngamolihang tetuek sane patuh madasar kebersamaan, rasa bakti, lan saling ngawirasayang antuk pelaksanaan upakara ring agama soang-soang.
Toleransi meagama inggih punika bikas saling ngormatin, saling ngargain sakancan srada anak lenan, nenten maksayang keneh, lan nenten nyela minakadi ngehina agama len sareng alasan napi je. Sakadi sane kasebutin ring kakawin Sutasoma sane kekaryanin olih Mpu Tantular Bhineka Tunggal Ika Tan Hana Dharma Mangrwa sane tegesnyane: malenan nanging besik, nenten wenten kasujatian sane kadua.
Indonesia kasusun olih akeh pulau lan agama. Yadiastun sakadi punika, iraga bangsa Indonesia sane kanaungin ring Negara Kesatuan Republik Indonesia. Ring suku dija manten iraga lekad, ring keturunan napi je iraga, ring agama napi je iraga, iraga punika besik, bangsa Indonesia. Inggih manten ring agama Hindu, iraga akeh ngenalin parab utawi nama Tuhan, napike kasebut Iswara, Brahma, Wisnu, Siwa, lan sane lianan. Sujatine, punika tuah sebutan saking manifestasi Tuhan ring fungsinyane lan tugasne. Toleransi meagama nenten maarti riantukan anak sane ngelah keyakinan lantas berpindah utawi maubah keyakinannyane antuk nuutin lan berbaur sareng keyakinan agama-agama sane tiosan. Nenten kamaksudin antuk ngakuin kesujatian onyang Agama utawi kepercayaan, nanging riantukan ia nu ring suatu keyakinan sane kayakine kesujatian ne, punika mawinan ring anggane wenten kesujatian sane kayakine, sane nenten kaoleh madasar antuk paksaan anak len.
Toleransi meagama dados iraga cingak ring kauripan sedina-dina. Misalne, matimpal sareng onyang nak nenten ngebedain kepercayaan soang-soang, ngehargain lan ngemang kesempatan sareng timpal sane malenan Agama sane nenten wenten diskriminasi. Jadi, toleransi meagama mateges setiap anak ngelah kepatuhan hak sane patuh ring uripnyane mangda rahayu, amab, lan sejahtera bersama.
Enable comment auto-refresher