Ring Rahina Purnama, tiang tangkil ka Pura, di Pura tiang nyingakin Seka Pesantian Makidung, ditu tiang ngeh mangda iraga sane dados Truna Truni mangkin mangda sida ngamargiang kakidungan, lan budaya Bali sane lianan, sakadi masolah, magambel, miwah sane lianan, mangda budaya Bali tetep lantur lan nenten punah. Bali inggih punika pulau sane kasub mawinan kaasrian alamnyane, budaya sane kaloktah, miwah masyarakat sane santun, sampun dados destinasi populer ring manca Negara. Sakewanten, ring sajeroning kaasrian budaya Bali sane asri punika, kawentenang tantangan antuk Truna Truni Bali antuk ngelanturan lan ngawarisin budayanyane. Ring galah mangkin, miwah galah sane jagi rauh patut antuk Truna Truni Bali puniki nyaga keaslian lan kelanturan warisan budaya Bali. Truna Truni Bali madue tanggung jawab penting antuk ngwarisin budaya Bali. Truna Truni makasami patut paham tur tunduk nilai-nilai tradisional sekadi gotong royong, kaharmonisan manusa teken alam, tur ngahormatin leluhur. Ngwarisin budaya Baling boye je wantah malajahin sesolahan tur gegamelan, sakewanten patut nyaga kaunikan budaya makasamian. Truna Truni Bali patut dados Duta Budaya sane ngenalang kearifan lokal ka manca Negara. Penting ne ngwarisin budaya Bali magenah ring kalanjutan ekonomi lan sosial pulau puniki. Pelatihan lan pendidikan minakadi kalestarian lingkungan lan budaya Bali patut dados integral ring kurikulum pendidikan ring Bali. Pangembangan utsaha pariwisata berbasis masyarakat ngicenin galah ka Truna Truni Bali mangda sareng berpartisipasi ring industri pariwisata. Truna Truni Bali patut nyarengang dewek antuk ngalestariang upakara adat lan panganggo tradisional. Truna Truni patut ngejohin komersialisasi budaya sane ngrusak kapatutan tur nilai-nilai budaya Bali. Truna Truni Bali patut dados penjaga lan sane makta obor sane nyagain keunikan budaya Bali apang tetep lestari. Ngwarisin budaya Bali inggih punika utsaha antuk ngamastiang warisan berharga punika nenten ical ring arus modernisasi lan globalisasi. Truna Truni Bali dados penggerak sane nglimbakang pariwisata sane bertanggung jawab lan lestari ring Bali.
Aktifkan pemuatan ulang komentar otomatis