Masan coronane jani suud madan PSBB, jani maevolusi dados PPKM buin misi darurat, samian kegiatan nika dibatasi lan wenten nika penyekatan jalan ring sudut jalan tertentu sane kalaksanayang olih aparat pemerintah. PPKM puniki nenten kadadosang masyarakate makumpul-kumpul, wenten malih pembtasan jam operasional toko-toko utawi warung sane ngeranayang ekonomi masyarakate mati. Tusing ja wantah ekonomi dogen ane mati, sabilang peteng lampu jalanne masi milu matiange. Tiang ten setuju yening PPKM puniki lampu jalan kamatiang, duaning lampu jalan nika kaanggen nerangin jalan, yening ada lepetan di lurunge, nyen ane kapelihang? Nyanan oraang be lurunge tenget. Penerangan jalan mati, gumi sakadi nyepi , bisa dogen masi keneh manusa ne milu peteng ane bise ngeranayang berbuat kejahatan. Nak mula saja ngematiang lampu jalan ento tujuane melah apang masyarakate sing pesu mulih peteng-peteng, nanging ento boya ja solusi ane melah. Solusine wantah ja baang sosialisasi ane seken apang masyarakate paham betul tentang PPKM ento, apang sing tuah sekedar ningeh munyi disisi ane tuara beneh kepastianne lan apang kebijakanne ento tusing sekedar kebijakan ane tusing madaging.
Aktifkan pemuatan ulang komentar otomatis