Para angga panureksa sane wangiang titiang Tim BASAbali Wiki Sane kusumayang titiang para semeton sareng sami sane tresna sihin titiang. Pinih ajeng lugrayang titiang ngaturang panganjali umat, Om Swastyastu
Bagia pisan manah titiange rahinane mangkin, sangkaning pasuecan Ida Hyang Widhi Wasa, titiaang kaicen galah ngaturang sarin-sarin manah titiange, ring lomba Wikithon punika. Suksma aturang titiang majeng para angga panureksa miwah Tim BASAbali Wiki, sane sampun ngwacen tulisan titiange.
Titiang mawasta Putu Wulandari Trisna Dewi jagi nelatarang orasi sane mamurda ngelestariang palemahan. Palemahan inggih punika lingkungan alam sane kakaryanin antuk Ida Sang Hyang Widhi Wasa. Iraga patutnyane ngajiang kewentenan miwah tanggung jawab antuk palemahan iragane. Sampah sane ageng lan ngancem palemahan, patut iraga kurangi lan laksanayang 3R mangda sampah ring jagat iragane nenten metumpuk tumpuk lan ngaranayang penyakit. Duaning punika iraga patut ngirangin ngewigunayang bahan sane nenten prasida rusak lan ngicalang sampah. Iraga sareng sami madue peran ring ngelestariang palemahan, mangda setata prasida becik ring iraga sareng sami.
Asapunika sane prasida aturang titiang ring galahe mangkin. Mugi-mugi napi sane aturang titiang punika prasida dados uratiang. Puputang titiang antuk paramasanthi Om Santhi, Santhi, Santhi om
Aktifkan pemuatan ulang komentar otomatis