Om Swastiastu Para panureksa sane wangiang titiang lan sapunika taler para semeton sareng sami sane tresnasihin titiang. Pinih ajeng ngiring ngaturang rasa angayubagia ring Ida Sang Hyang Widhi Wasa, duaning sangkaning pasuecan Ida, titiang ngiring ida dane sareng sami prasida mapupul ring rahinane mangkin. Ring galahe mangkin, lugrayang titiang ngaturang orasi sane mamurda Kemacetan ring Provinsi Bali.
Pemilu utawi pemilihan umum wantah proses demokratis anggen memilih wakil rakyat. Ring warsa 2024 sane jagi rauh, pacang kalaksanayang pemilu legislatif anggen memilih anggota DPR, DPD, DPRD Provinsi, DPRD Kabupaten, taler kalaksanayang pemilihan presiden tur wakil presiden antuk periode warsa 2024-2029. Ring Bali taler kalaksanayang pemilihan gubernur. Minakadi manggala ring Provinsi Bali punika patut madue agenda kerja sane mrasidayang mengatasi permasalahan sane wenten ring Bali. Silih sinunggil permasalahan punika wantah kemacetan sane wenten ring Bali, pamucukne ring Kota Denpasar.
Kemacetan punika wantah silih sinunggil permasalahan sane dados prioritas ring Bali. Kemacetan nenten mengganggu mobilitas manten, nanging madue dampak negatif ring lingkungan. Jumlah kendaraan sane terus meningkat lan infrastruktur sane nenten memadai wantah dados penyebab utama kemacetan. Ring galahe mangkin, titiang sebagai masyarakat Bali banget mapinunas ring calon manggala Provinsi Bali mangda mrasidayang mengatasi permasalahan kemacetan puniki.
Ngiring sareng-sareng iraga mewujudkan Bali dados genah sane nyaman ring iraga sami. Wantah sapunika sane prasida katur titiang, kirang langkung titiang nunas ampura tur puput titiang antuk parama santi. Om santhi, santhi, santhi, Om
Aktifkan pemuatan ulang komentar otomatis