Om Swastyastu, Titiang mawasta Ni Putu Kesia Nirmla Putri saking SMK Pariwisata Harapan Denpasar. Titiang jagi nguncarang aspirasi titiang indik pikobet utama ring Bali inggih punika indik kesehatan majeng ring calon-calon pemimpin Bali sane pacang kapilih ring Pemilu 2024. Aspirasi puniki uncarang titiang duaning manut pikayunan titiang, pikobet puniki sampun dados pikobet utama mangkin. Ida dane sareng sami, ring galah sane becik puniki titiang jagi nyuarayang aspirasi titiang dados masyarakat. Pikobet indik kesehatan sampun wenten saking Nguni. Mewehnyane iraga manados masyarakat, utaminnyane masyarakat menengah ke bawah ngamolihang pelayanan kesehatan sane patut. Akeh masyarakat sane kirang mampu nenten prasida ka Rumah Sakit yadiastun sakitnyane sampun bulan-bulanan, duaning takut nenten ngamolihang pelayanan kesehatan ring Rumah Sakit. Akeh masih pelayanan kesehatan sane ngabinanin pasien sane nganggen pembayaran umum lan BPJS. Sira sane patut kaiwangin? Masyarakat sane lemah? Instansi kesehatan? Utawi Pemerintah? Pemerintah jakti becik ngamedalang BPJS Kesehatan KIS sane gratis majeng ri g masyarakat sane kirang mampu. Nanging pitaken titiang mangkin majeng ring para pemimpin Bali. Sampunkeh para pemimpin puniki ngecek lang mengawasi keadaan dilapangan? Yening sampun, napikeh sampun kalaksanayang secara rutin? Napike wantah program kerja kemanten mangda molihang uang transportasi? Dumogi je nenten kenten. Duaning kesehatan masyarakat Bali puniki tanggung jawab iraga sareng sami. Inggih, ida dane sareng sami wantah sakadi asapunika sane prasida aturang titiang. Dumogi napi sane uncarang titiang I wawu prasida dados endih majeng ring para pemimpin Baline puniki mangda pikobet indik kesehatan puniki dados program kerja utama sane jagi kalaksanayang ring warsa sane jagi rauh puniki. Puputang titiang antuk parama santih. Om santih santih santih om.
Enable comment auto-refresher