Iraga suba pada nawang, gumi Bali ne ane luung tur asri en jeg pasti dadi tongos wisata ane demenine ajak para wisatawane. Apa buin ajak wisatawan uli mancanegara ane sai kaorahang bule care ane uli Rusia, Australia, Inggris, Finlandia, Belanda, tur ane lenan.
Irage sekadi warga bali jeg pasti bangga gati, apa buin wisatawan ento ngae liu ada lapangan gegae. Nanging yening kenehang, mekelo-kelo jeg tingkah bule - bulene ngangsan jani ngangsan nyeleneh . Uli masalah ane dadi rahasia umum care mukak bisnis ilegal, mafoto malalung, ngaba montor care Rossi,negak di palinggih pura, kanti ane sing habis pikir jeg ada bule ane harusne teka mai malali nanging neked dini dadi maling. Sing jeg antik gati yen kenehang??
Yen dadi orahang silih tunggil ane ngaenang bule-ne liu ngae inguh ati krana konsep pariwisata pamerintah di Bali ane jani en kaadanin Mass Tourism, jeg intine pamerintah ngalih pang liu gen bulene teka ka Bali. Ulian ento sube, patutne para pamerintah suud nganggo konsep Mass Tourism ento, apang ane teka ka Bali tusing ja bule ane kelas menengah ka bawah. Tur iraga sekadi warga Bali yen tepuk bule nyeleneh keto jeg tegur, yen mule suba tusing dadi katolerir jeg langsung laporang ka pihak ane berwajib.
Enable comment auto-refresher