A. Napi Sane Kamargiang Mangdane Prasida Ngupapira Rasa Tresna Asih Ring Umat Meagama 1. Setata Eling Ring Pituduh Utawi Tata Titi Maagama. Ring panegara indonesia wenten makudang kudang agama, nika mawinan iraga prasida nemuang kanti utawi pasemetonan ring agama tiosan. Masawitra ring agama tiosan iraga patut setata rumaket masawitra umpaminyane nenten ngalangin agama tiosan ritatkala ngamargiang upacara sane kamargiang olih agama sane tiosan. 2. Setata Ngajinin Upacara Agama Sane Kamargiang Olih Agama Sane Tiosan. Akehnyane agama sane wenten, nika mawinan akeh wenten pamargi upacara upacara sane patut kamargiang. Sepatutnyane ritatkala agama tiosan ngamargiang upacara sane kamargiang iraga patut prasida ngajinin miwah setata eling ritatkala agama tiosan ngamargiang upacara upacaranyane. 3. Setata Ngajinin Miwah Eling Ring Suku Miwah Budaya Iraga patut ngajinin pabinayan mangdane ring kahuripan setata segilik saguluk sabayantaka. Riantukan yening nenten kamargiang antuk parilaksana puniki, ngawinang parajanane madue rasa jejeh, tiosan punika iraga patut ngajinin pabinayan mangdane nenten wenten pikobet utawi biyuta ring kraman. 4. Nenten Madue Rasa Corah Yening umpamiang sekadi masemeton, nika mawinan nenten dados madue rasa corah utamannyane ritatkala makarya paguyuban ring panegare indonesia tetep mamargi. 5. Ngawantu Ring Semeton Sane Tiosan. Ritatkala iraga madue rasa liang ngwantu semeton sane tiosan, nika mawinan prasida nincapang rasa tresna miwah asih ring jadma sane patut kawantu. Saling olas asih ring krama, prasida nincapang rasa pasemetonan riantukan iraga pastika nunas wantuan ring semeton tiosan. 6. Saling Ngewantu Nenten Minayang Inggian Kawentenan Jadma. raga patut olas asih nenten minayang kawentenan jadma riantukan manusa pinaka makhluk sosial sane pastika nunas wantuan ring semeton sane tiosan. Olas asih pinaka rasa sane becik malarapan antuk olas asih prasida ngawetuang rasa rumaket masemetonan.
Aktifkan pemuatan ulang komentar otomatis