Tiang anak ane keweh pesan bersosialisasi, tiang masih anak ane kapah pesu yening tusing ada perlu, tiang masih tusing pati nawang anak di desa tiange sajaba timpal-timpal tiange. Nanging uli dugas coronane teka, tiang kajudi dados satgas covid19, tiang tusing nawang nguda tiang kadadosang anggota satgas, saget tiang mara bangun nyemak HP, malinin WA suba ada grup satgas covid19. Sujatine tiang ngelah rasa jejeh sareng dados anggota satgas, apa buin di banjar tiange tuah tiang ane paling nguda, ento ane sanget ngaenang tiang jejeh. Nanging yen keneh-kenehang, dini kesempatan tiange malajah, malajah bersosialisasi, malajah bekerja sama, tur dini kesempatan tiange nawang masyarakat ane lenan di desa tiange. Suba 4 bulan tiang nyalanang swagina dados satgas covid nyantos normal barune mangkin, akeh pisan pengalaman-pengalaman sane polihang tiang, sujatine nyemak gae ngajak anak ane kelihan, apa buin anak ane mara tawang tusing ja serem kadi ane bayangin tiang. Demen pesan atin tiange, gumine nyalanang normal baru, tiang ngamolihang pangalaman baru.
Enable comment auto-refresher