Yening seleh selehin malih ring wewidangan kota Gianyar, Bali kari akeh wenten kasus bunuh diri. Bilih-bilih ring sang sane meraga yowana utawi sisya puniki mawinan Kesehatan mental punika patut jaga, manut ring detikbali.com sisya kelas kalih SMA saking gianyar mekecos saking jembatan tukad cangkir Gianyar. Niki nyihnayang Kesehatan mental yowana ring Gianyar kari akeh sane nenten stabil, napi malih ring panglimbak aab jagate sekadi sane mangkin sane kabaos awor tan pa wates. Ring panglimbak aab jagate sekadi sane mangkin ngaruruh media sosial punika dahating elah duaning nganggen media sosial antuk piranti-piranti sane becik punika sane keweh. Media sosial punika pinaka tiuk sane memate dua, dados anggen ngaruruh kaweruhan sane becik lan wenten masih sane nganggen ngaruruh sajeroning pula-pali sane kaon. Manut saking tetilikan Universitas Gadjah Mada warsa 2018, media sosial lan depresi punika madue paiketan sane rumaket pisan. Duaning napi? Gatra gatra sane wenten ring media sosial punika ngawinan para yowana ne setres, akeh yowana sane nganggen konten konten ring media sosial antuk standar sosial, Depresi puniki sane mawinan para yowana sane megatin tuwuh ring tenganin margi. Para yowana patut nyelehin gatra gatra sane wenten ring media sosial mangda siddha dados yowana sane sehat lan cerdas mental Siswanto,2018 . Manut saking Kompas.com duk warsa 2023 propinsi Bali madue indeks bunuh diri paling akeh nomor tiga ring sajeroning akeh propinsi ring Indonesia.
Enable comment auto-refresher