Nenten Sekadi ring Genah Karantina

Affiliation

Regency/City

-

Author(s)

Category

-

Year

Photo Credit/Source

I Made Darsana

Video Credit/Source

School/Org (if applicable)

Desa Beng, Gianyar

Location

Enable comment auto-refresher

What should the government do to stimulate and sustain tourism in Bali?

In English

—

In Balinese

Om swastiastu Pengerauh wisatawan saking duranegara wantah sarat kaaptiang sareng sami, pemucukne krame ring Bali sane akehan ngerereh pengupajiwa ring pariwisata. Sampun kirang langkung kalih warsa nenten wenten wisatawan sane rauh ke Bali. mangde pengrauh wisatawane sayan-sayan nincap patut karincikang naya upaye sane manut protokol kesehatan sane sampun keuger-ugerin olih pemerintah pusat. Uger-uger indik pengerauh wisatawan duranegare ke Bali mangdane ngelaksanayang karantina selami kirang langkung patbelas rahina. suwe galah karantina puniki ngeranayang wisatawane nenten arse ngerauhin Bali. wisatawane pacang merase rugi yening suwe megenah ring karantina, galah ipune telas angene mekarantina manten. indike puniki patut karincikang oleh pemerintah Bali, ngutsaheyang ritatkale pare wisatawane rauh ke Bali tur ngelaksanayang karantina, mangde ipun nenten merase pocol lan precume rauh ke Bali sakemaon galah ipune telas ring galah karantina. Punapi antuk mangdene ritatkale mekarantina puniki wisatawane nenten merase sekadi mekarantina, mangdene ipun merase sekadi melancaran ring genah-genah objek wisata utawi ring genah-genah nyaksiang seni lan budaye Bali. Pemerintah Bali mangdane ngaryaning paket-paket wisata karantina, artine mangdene wenten pilihan-pilihan paket karantina sane sampun jangkep medaging dudonan acare sesolahan seni lan budaye Bali. dadosne ritatkale wisatawane punike mekarantina, ipun katuran sesolahan seni lan budaye Bali sekadi igel-igelan, tetabuhan, gegendingan, kuliner lan sane tiyosan. sakewanten mangdene tetep ngelaksanayang protokol kesehatan, mangde nenten mahawinan pare seniman sane mesolah nenten merase jejeh santukan mesolah ring genah karantina. patut keatur jarak utawi genah pare seniman mesolah lan genah wisatawan sane mekarantina nonton. Punike taler mangdene wisatawan sane jagi rauh ke Bali mangdene kekarantina ring Bali manut ring paket-paket pariwisata sane sampun karincikang. asapunike sane preside katur, dumogi napi sane aturang tityang wenten pikenoh nyane. tan lali tityang nunas pangampure antuk keiwangan tityang sane katur ring ajeng. sineb tityang antuk parame shanti, Om shanti shanti shanti Om

In Indonesian

—