Karasayang sampun suwe gering agung COVID-19 saking warsa 2020 ngantos mangkin. Sampun akeh panegara sane lianan sane nenten prasida ngranjing ring Indonesia mawinan virus punika. Akeh sane ngawentenang travel warning. Punika sane ngawetuang pikobet ring krama Baline, utamanipun ring daerah pariwisata. Roda ekonomi ring Bali sayan-saham ngereredan mawinan pariwisata pinaka genah pakaryan sane utama. Akeh krama Baline sane ka-PHK antuk genah pakaryanipun minakadi hotel, villa, miwah sane lianan. Taler akeh perusahaan sane bangkrut mawinan kawentenan gering agung COVID-19 punika. Sane mangkin, asapunapi antuk krama Baline prasida mitehang roda perekonomian punika? Gumi Baline sampun nyiagayang kawentenan wewidangan palemahanipun sane sampun asri lan prasida ngicenin urip ring krama Baline. Pinaka conto inggih punika wewidangan segara. Ring segara puniki iraga sampun prasida ngolah sakancan sane wenten iriki. Minakadi, UMKM sane sampun mamargi inggih punika anake sane ngadol ulam segara, pinaka juru pencar, ngadol buah lamun, rumput laut, ngadol klejat goreng, miwah sane lianan. Asapunapi sane prasida antuk iraga pinaka yowana Bali ngolah sakancan sane wenten ring segara? Iriki sampun iraga sarat ngawetuang sane mawasta Kerja Cerdas. Maka conto, iraga prasida ngolah ulam segara, rumput laut, klejat, buah lamun punika pinaka frozen food lan kaadol ring pasar internasional. Sami wong dura negara ne prasida numbas lan iraga prasida ngamolihang jinah sane akehan. Conto sane lianan, iraga prasida ngolah ulam punika pinaka ajeng-ajengan sane unik lan ka-upload ring media sosial. Sampunang kimud maadolan. Yening wong dura negarane nenten prasida matumbasan ring pasar Baline, ngiring iraga sane maadolan ring pasar internasional.
Aktifkan pemuatan ulang komentar otomatis