Foto - Sewai-wai di paon - Rusmala Dewi

Year

Related Places

Writer(s)

Photographer(s)

Reference

Photo Credit

Video Credit

Wikithon competition

Photo

⏤

Tumben jani tiyang nawang Corona, tumben jani mase tiyang ngrasayang megae uli jumah. Buin besik, tumben jani tiyang ngelah keneh ngae jaje apang care anake ngidang ngunggah di sosmedne lantas nulis eksekusi hari ini , misi foto jaje editan. Meli daster sube, meli mixer sube, mebalih youtube sube. Meli daster? nggih, apang aluhan megae di paon , buine liu ane ngadep online di FB. Apang tusing rugi anake medangang, sesai belinin tiyang.

Kapertama, tiyang melajah ngae bolu. Yening kenehang, aluh. Nanging yening jemak, saget keweh. mekupuk tiyang di paon. mekudus I meme matue sube liang kenehne nepukin mantune tumben seleg di paon. Sakewale tusing taen I meme matua maan nyicipin jajene santukan wenten sane puun,bentet tur nyem Nanging ten surut manah tiyange mlajah. sabilang wai, ngancan sesai tiyang mebalih youtube nganti nelahang kuota. Disubane sube, mresidayang tiyang mragatang jaje. liang manahe Nanging I meme matua matakon, jaje ape ne luh? jaje bule? Dewa ratu, tumben tiyang prasida mragatang jaje nanging ten wenten sane uning jaje ane karyanin tiyang. Cinnamon roll kocap wasta jajene, Youtube ngorahin.

⏤