Pendidikan pinaka sarana nincapang kauripan manusane. Bilih-bilih ring aab jagat canggih sakadi mangkin. Sapasira sane nenten urati ring Pendidikan pastika pacang manggihin pikobet ri kala ngarepin aab jagat sakadi mangkin. Pendidikan pinaka sarana ngrereh pangupajiwa, anggen nglanturang lan nincapang kauripan. Punika mawinan pemerintahe setata nitenin mangda parajanane nenten wenten sane putus sekolah. Sakewanten, iriki ring jagat Bali sane sampun kaloktah pulau sane sampun maju ring widang pariwisata, kapanggih aken kantun wenten parajana sane nenten mrasidayang masekolah. Utamannyane parajana sane magenah ring wawidangan palemahan sane kabaos 3T terpencil, tertinggal, terdepan , sakadi sane wenten ring wawidangan Kintamani. Sepatutnyane, ring aab jagat maju sakadi mangkin, Yening indike puniki nenten kauratiang mapuara SDM Bali ka pungkur wekas sayan-sayan rered. Yening SDM sampun rered mapuara wawangunan nenten prasida pacang nincap kawentenannyane. Indike punika pinaka wiwilan jagat Bali ka pungkur wekas taler sayan-sayan rered kawentenanyane. Nampenin indike punika titiang ngaptiang pisan mangda angganing pemerintah lan pihak swasta prasida nguratiang lan ngicenin wantuan ring parajanane sane wenten irika, sakadi wantuan sarana-prasarana, pelatihan, lan permodalan, lamakane prasida nglanturang Pendidikan, sajeroning nincapang kauripan dane soang-soang, mangda prasida dados jadma sane mawiguna.
Aktifkan pemuatan ulang komentar otomatis
NI WAYAN SISKAYANTI
Permalink |