Bali punika manut titiang pulau sane becik lan akeh keunikannyane. Sakewale, liu anak sane tusing peduli antuk kebersihan lan keindahan pulau Bali puniki. Ring bulan April titiang sareng keluarga tangkil ring Pura Besakih. Pemerintah Bali sampun ngewangun fasilitas sane becik antuk pemedek, sakadai genah parkir sane becik pisan lan sane lianan, nanging tiang sebet nyingakin akeh sampah sane kasebar ring area jaba pura, yadiastun sampun wenten tongos sampah, anake sane nenten peduli ring kebersihan ngutang sampah sembarangan nenten marasa iwang, yadiastun pura puniki genah iraga ngaturang bakti ring Ida Sang Hyang Widhi sane patut kajaga.Sapunika taler ring genah tiosan, iraga patut marasa kimud yening ngicalang sampah, santukan Bali taler akeh katemuin olih wisatawan dura negara. Yening nenten polih tongos sampah, simpen dumun sampah punika, raris buang malih yening sampun polih tongos sampah. Dumogi ring masa sane pacang rauh iraga sareng sami sayan eling ring lingkungan iraga.
Aktifkan pemuatan ulang komentar otomatis