Ngamargiang Toleransi Umat Maagama Mawit Saking Tatwam Asi Bangsa Indonesia inggih punika bangsa sane majemuk, kakepah saking makudangkudang suku, agama miwah ras, sakewala kasor dados bangsa sane ramah tur toleran, pateh taler ring sajeroning maagama. Kemajemukan agama ring Indonesia sampun mekatah suwe taler lintang let katimbang ring mancanegarane. Manut sosiologis niki dados ekses saking mobilitas sosial sane lintang dinamis sejalan sareng proses globalisasi, dadosnyane para pendatang miwah penduduk asli saking makudang-kudang kebudayaan miwah keyakinan ipun maparindikan ring sajeroning genah. Ring maparindikanne puniki dados paiketan integrasi, damai miwah gotong royong, nanging dados prasangka, ketegangan, persaingan, intoleransi, konflik, miwah disintegrasi. Tat Twam Asi tegesnyane tityang pinaka ipun, ipun pinaka tityang . Olih krana punika dadosnyane mabuat arti inggih punika jiwaning iraga manusa mawit saking sumber sane pateh inggih punika Brahman utawi Ida Sang Hyang Widhi. Ajaran Tat Twan Asi puniki madasar saking Tata Susila Hindu ring sajeroning utsaha antuk ngamecikin parilaksana. Susila inggih punika tingkah laku sane becik tur mulia antuk ngabina paiketan sane selaras lan seimbang miwah rukun ring sadina-dina. Kadasarin ring sajeroning ngabina paiketan sane selaras, iraga patut ngamargiang ajaran Tatwam Asi puniki antuk makudang cara: 1 Ngalaksanayang parilaksana sane manut teken ajaran agama utawi norma sane kaangge ring masyarakat sane mawit saking hati suang-suang nenten pinaka kapaksayang . 2 Tanggung jawab tekening parilaksana. 3 Ngautamayang kepentingan anak akeh katimbang kepentingan pribadi. Ring asapunika ngiring sane mangkin iraga sareng sami mangda prasida ngajegan toleransi antuk umat maagama mawit saking padewekan mangda bangsa lan negara puniki tegteg ajeg lan lerstari.
Aktifkan pemuatan ulang komentar otomatis