Tut, Tut Nyamprut , keto geluran memen tiange uli paon. Ken-ken seh, Me? gawat gati? Ade tambahan pasien, Me? , sautin tiang. Tusing. Kene Tut, Meme sube makelo ngoyong jumah. Be sing nyidayang medagang ka peken. Darang nasi sing ade. Meli Meme sing nyidayang. Anak tuara ade pipis. Ken-ken carane ngedusang paonne? Dadi Meme alap ne Pakcoy ne? Pakcoy ape seh Me? Ne teh ane mentik di pipane. Donne care bayem teh. Kal masak pang ade darang nasi Oh,,,Pokcoy, keto nake. Pakcoy, Pakcoy, kaden tetanggane nagih alape Ken-ken carane ngalap, Tut Aluh Me tinggal butbut gen Tut, seken-seken Meme metakon. Dadi adep ne apang ade anggo meli pulsa, melajah online ape adane Dadi Me Kanggoang malu kene Tut keadaane. Pemasukan sing ade, pengeluaran tetep. Bapan Ketute me-PHK megae pariwisata care janine. Ngidayang ngeleatin lemah doen sube aget
Sekate covid-19 ampun nyerang cluster pasar utawi peken, tiang ten maang malih Memen tiange medagang ring peken. Seantukan Memen tiange sampun lingsir sane tegeh resikone. Uli mangkin tiang nyalanang bisnis hidroponik sane akeh peminatne. Niki anggen tiang nyambung hidup lan dados semangat Meme Bapan tiange. Dados petani muda sane modern nenten perlu gengsi.
Enable comment auto-refresher