Para atiti sinareng sami sane dahat mustikayang titiang. Pinih ajeng lugrayang titiang ngaturang suksmaning manah sampun kapica galah ngodar saparindikan pidabdab pemilu sane jagi rauh. Dumadak dumadik napi sane aturang titiang wenten pikenohnyane. Ngiring sareng sami ngaturang pangastungkara malarapan antuk nguncarang panganjali Om Swastyastu. Para atiti sane dahat kusumayang titiang, nginenin indik pemilu sampun ketah olih para janane sami. Pemilu kalaksanayang nyabran limang warsa ring panegara Republik Indonesia. Pemilu matetujon milih para wakil rakyat, presiden lan wakil presiden. Wakil rakyat pamekasnyane sane sampun kapilih mangdane sida ngicen pamargi pidabdab nuntun para janane. Wakil rakyat mangdane setata eling indik program sane patut karincikan prasida ngardi para jana makejang gemah ripah loh jinawi, murah pangan, sandang miwah papan, santhi lan jagaditha. Bali ngantos mangkin kari ngandelin sektor pariwisata. Para wakil rakyat mangdane prasida nitenin mangda nusa Baline sayan trepti. Nyabran rahina pemilu sane rauh ke nusa Bali sayan nincap tur makawin taler nincap Pendapatan Asli Daerah saking sektor pajak hotel lan restaurant.
Enable comment auto-refresher