Tiang anak ane keweh bersosialisasi, tiang masih anak ane kapah pesu yening tusing ada perlu, tiang masih tusing pati nawang anak di desa tiange sajaba timpal-timpal tiange. Nanging uli dugas coronane teka, tiang kajudi dados anggota satgas covid19, tiang tusing nawang nguda dadi tiang kadadosang anggota satgas. Dugas semengane ento, tiang nyemak HP, malinin WA suba ada grup satgas covid19. Sujatine tiang ngelah rasa jejeh bareng dadi anggota satgas, apa buin di banjar tiange tuah tiang ane paling nguda, ento ane sanget ngaenang tiang jejeh. Nanging yen keneh-kenehang, dini kesempatan tiange malajah, malajah bersosialisasi, malajah bekerja sama, tur dini kesempatan tiange nawang masyarakat ane lenan di desa tiange, ulian ento tiang sanggup dadi anggota satgas. Jani suba 4 bulan tiang nyalanang swagina dadi anggota satgas covid nganti normal barune jani, suba liu pesan pengalaman-pengalaman ane polihang tiang, sujatine nyemak gae ngajak anak ane kelihan, apa buin anak ane mara tawang tusing ja saserem kadi ane bayangin tiang. Demen pesan atin tiange jani, gumine nyalanang normal baru, tiang ngamolihang pangalaman baru.
Enable comment auto-refresher