KERUKUNAN RING TRI HITA KARANA
Umat beragama sinamian, percaya teken ajahan agama sane anutinne punika measal ring Ida Sang Hyang Widhi Wasa. Ring kitab suci Veda puniki, iraga ngemolihang akeh sabda Ida Sang Hyang Widhi Wasa sane ngicenin pelajahan antuk kerukunan umat beragama, toleransi, lan solidaritas masyarakatnyane. Ring Agama Hindu kerukunannyane dados kaitin antuk ajaran Tri Hita Karana. Ajaran puniki inggih ajaran sane maguna ritatkala iraga ngebina kerukunan, nenten ring manusa manten, ajaran puniki kaanggen ring sinamian ciptaan Ida Sang Hyang Widhi Wasa. Tri Hita Karana puniki measal ring Bahasa Sansekertha, sane mabagi antuk tigang kata, inggih punika: Tri, Hita, lan Karana. Tri inggih punika tiga, Hita mearti bahagia, lan Karana ingih punika penyebab. Tri Hita Karana inggih punika tiga penyebab bahagia. Ketiga hubungan sane harmonis nika maarti ngaba kebahagiaan, kerukunan, lan keharmonisan ring kehidupan puniki. Ring masyarakat Hindu puniki di wujudkan ring tigang unsur utawi, Parhyangan, Pawongan, lan Palemahan. 1. Parhyangan Parhyangan inggih punika hubungan sane ngaenang kerukunan manusa lan Ida Sang Hyang Widhi Wasa. Conto laksana sane rumasuk ring unsur parhyangan inggih punika, ngelaksanayang Tri Sandya tigang kali sehari, nyarengang gotong royong ring Pura. 2. Pawongan Pawongan inggih punika hubungan harmonis sane ngaenang kerukunan sareng manusa. Pawongan niki menekankan mangda sareng umat beragama ngelaksanayang komunikasi lan hubungan sane harmonis. Conto laksana sane rumasuk ring unsur pawongan inggih punika ngejaga hubungan sane becik sareng anak akeh, nunas ampura yening makarya laksana sane nenten becik. 3. Palemahan Palemahan inggih punika hubungan harmonis sane ngaenang kerukunan sareng manusa lan lingkungan hidup. Ajahan puniki ngajahin manusa antuk ngejaga kelestarian lingkungan. Contonyane sareng ngebersihin lingkungan, ngentungan lulu ring tong sampah, nyiramin taneman. Tri Hita Karana ngajahin iraga antuk ngejalin hubungan sane harmonis sareng tuhan, manusa, lan lingkungan sekitar. Yening ngebina kerukunan, terapkan Tri Hita Karana ring kehidupan sesai.
Aktifkan pemuatan ulang komentar otomatis