Titiang pinaka manggala Dinas Pariwisata Provinsi Bali ngaturang rahajeng tur suksma, antuk lomba Wikithon Partisipasi Publik ka ping pat sane kamargiang olih BASAbali Wiki. Lomba puniki mabuat kamargiang ring galah gering agung pandemi covid 19 puniki. Napi sane ngawinang? Kapertama, malarapan antuk lomba puniki, pemerintah druene polih paweweh utawi saran saking masyarakat Bali ngeninin indik, utsaha-utsaha napi sane prasida kamargiang anggen mecikang jagat Baline? Durus, sameton generasi milenial, sarengin pemerintah druene. Icen pikayunan-pikayunan sane becik mangda prasida nangiang malih pariwisata Bali sakadi sane sampun lintang, tur sakasidan mangda nyansan nincap kantos ka pungkur wekas. Kaping kalih, yowana utawi generasi millenial nyansan kayun masuara tur urati ring kawentenan pikobet jagat miwah budaya Bali. Pemerintah Bali muatang pikayunan sameton sami, mangda pariwisata Bali gelis matangi Yening sampun yowana utawi generasi millenial masikian sareng pemerintah malarapan antuk lomba wikithon puniki, pastika nangun sat kerthi loka Bali prasida labda karya kalimbakang.
Enable comment auto-refresher