Difference between revisions of "Childrens Book Luh Ayu Manik Pahlawan Lingkungan"
From BASAbaliWiki
Line 84: | Line 84: | ||
|Review year=2020 | |Review year=2020 | ||
}}{{Children Book/Review | }}{{Children Book/Review | ||
− | |Review text | + | |Review text ban=Ring carita sané mamurda “Pahlawan Lingkungan” wénten makudang-kudang piteket sané patut kapikayunin miwah kalaksanayang. Luh Ayu Manik Mas pinaka prawireng putri saking Bali sané setata ngalaksanayang dharma ring jagaté silih tunggilnyané mangda prasida nyaga karesikan palemahan Bali. Ring aab jagaté mangkin kantun akéh kacingak leluu ring soang-soang palemahan sané mawit saking leluu don-donan miwah leluu plastik. Nanging sané banget ngawinang baya inggih punika leluu plastik. Punika mawinan ritatkala ngwacén carita Luh Ayu Manik Mas sané mamurda “Pahlawan Lingkungan” prasida nudut kayun titiang mangda alit-alite mangkin sayan uning tekéning pabinayan leluu plastik miwah don-donan napi malih yéning leluu plastik punika nénten karincikang antuk becik prasida ngawinang baya ageng ring jagaté. Ring carita punika sampun katlatarang yéning pemerintahé mangkin sampun nikain kramané sami mangda ngirangin kawigunan plastik utawi krésék yéning jagi matumbasan. |
− | |Reviewed nationality= | + | Leluu plastik punika yéning kakutang ngawag prasida ngawinang jagaté cemer miwah plastik marupa barang sané méwéh nyag, mabinayan sareng leluu don-donan sané gelis nyag. Siyosan punika, yening kramané nunjel plastik, sinah sayan ngawinang kahanan sane jelé pisan. Sesai ngandek andus saking plastik sané matunjel prasida ngawinang baya kaslametan iraga sareng sami. Wénten makudang-kudang pinyungkan sané kabuatang olih andus plastik punika sekadi marasa sesek, puruh, ngutah, miwah sané lianan. Leluu plastik punika yéning taler kakutang ring tukadé prasida ngawinang baya sané ageng inggih punika kawéntenan blabar rikalaning sabeh ageng santukan leluu plastik punika ngempetin pamargin toya ring tukade. Punika marupa silih tunggil parisolah sané nénten patut katulad krana ngawinang baya majeng ring kahuripan kramané sané nénten madué arsa ngalestariang palemahan krana rumasa aluh pisan ngutang ka tukadé tur nénten mikayunin malih baya sané kabuatang ring bénjang pungkur. |
− | |Reviewer lives=Bali | + | Punika mawinan iraga sareng sami mangda setata urati ring palemahan utaminipun majeng kawéntenan leluu plastik. Saking kulawarga soang-soang, kaaptiang mangda prasida sampun ngirangin kawigunan plastik rikala jagi matumbasan. Luh Ayu Manik Mas sampun ngicén paplajahan sané becik pisan majeng kramané sami yening jagi matumbasan patut makta tas kain sane “ramah lingkungan” miwah nénten ngawinang kahanan baya ring guminé. Siyosan punika, ring carita punika kabaosang yening Luh Ayu Manik Mas sareng truna-trunine ring Rahina Ngembak Geni tedun mareresik ring tukadé miwah sakidehnyané. Parilaksana punika patut katulad saking alit saantukan iraga sareng sami sané madueé palemahan punika tur mangda setata ngreresikin nyabran rahina. Punika mawinan, Luh Ayu Manik Mas prasida ngicén piteket sane becik majeng titiang miwah kramané sami indik napi sané prasida kalaksanayang mangda prasida ngwantu pemerintahé ngirangin kawigunan leluu plastik. Tur malih, yening wénten leluu plastik ring palemahan, mangda gelis urati antuk mareresik ring soang-soang palemahan. Carita puniki taler prasida ngawantu alit-alite mangda madué pikayun indik baya sané wenten ring palemahan yening ngawag ngutang leluu ring tukadé utawi nunjel plastik punika. |
+ | Sasampune ngwacén carita puniki, titiang dados guru prasida nyobyahang majeng alit-alité sami indik baya sané jagi rauh yening ngawag ngutang leluu plastik tur tata cara ngirangin kawigunan plastik ring kahuripan sarahina. Saking kulawarga miwah sekolah, kaaptiyang mangda ngicén paplajahan majeng alit-alité indik baya plastik majeng palemahan saantukan kulawarga miwah sekolah pinaka genah sane pinih becik ngicén piteket mangda urati ring palemahan sané ngicén kawigunan becik ring bénjang pungkur yening sampun kalestariang. Luh Ayu Manik Mas pinaka prawireng putri saking Bali sane patut katulad parilaksananyané olih alit-alité ring aab jagaté mangkin. Ngiring mangkin sareng sami ngalestariang palemahan pakardin Ida Sang Hyang Widhi sane sampun ngicén makudang-kudang pikolih majeng kahuripan. | ||
+ | |Reviewed by=Ni Putu Karlina Dianti, M.Pd | ||
+ | |Reviewed nationality=Indonesian | ||
+ | |Reviewer lives=Tabanan, Bali | ||
|Review year=2020 | |Review year=2020 | ||
}} | }} |
Revision as of 05:45, 7 February 2020
- Authors
- Illustrator
- Gus Dark
- Where does this book take place
- Related Ceremony or Holiday
- Related Env. Initatives
- ISBN
- —
- Original language
- Link to Whole Story
- https://reader.letsreadasia.org/book/87c92403-22b4-462d-a95d-c98f27f65035
- Words to Learn for this Book
Description
Video by:
In English
In Balinese
In Indonesian
Reviews
(change interface language in upper right corner to see reviews in other languages)- Review by: A.A. Ari Laksemi
- Review by: Made Agung Ari Yasa
- Review by: Ni Luh Made Merriyanthi
- Review by: Ni Putu Ari Kusumayanti
Videos
Nothing was added yet.
Enable comment auto-refresher