Bali suba terkenal ring dura negara, liu turis teka ke Bali berwisata krana kone Bali ento bagus, masyarakate ramah, alamne indah. Biasane pariwisata ento lebih menarik yen jalan-jalane makejang melah, demen dadine turise melali ka Bali. Sakewala faktane sing kaketo, liu ajan tepuk jalan-jalan ane usak bahkan usak gatine. Conto nyatane di Jalan Nangka Permai, Denpasar Utara, jalanne suba makelo gati usak sakewala depinine sing benahina. Padahal ade sekolah negeri lan liu umah masyarakate ditu. Petakone jani, adi jalan ane sube usak gati keto tetep sing benahina. Ape pemerintahe tusing ngelah pipis? Rasane sih sing keto. Rakyat nak liu patut bayah ka pemerintah, pajak kene, pajak keto. Keto masi turise teka ke Bali nak nelahang pipis di Bali, mayah kene mayah keto. Harusne liu ade pipis. Sakewala kenken carane ngatur pipise ento adi kanti jalan benyah latig sing benahina. Nah jani ane penting bagi rakyate, pemerintahe enggal menahin jalane ento. Sing je kanti makelo gati ngantiang anak labuh memontoran krana jalan usak mare benahina. Padahal jalan ento penting anggo iraga jak makejang, makrana enggal beraktivitas.
Enable comment auto-refresher