Duk riin para krama Baline setata mautsaha ngalestariang tradisi lan budayane, silih tunggilnyane inggih punika peplalianan tradisional. Dumun ring Bali, akeh pisan anake sane seneng maplalianan tradisional puniki sane pinaka sarana hiburan. Napi mawinan sakadi punika? Punika wantah daweg dumun para krama Baline durung uning HP tur teknologi daweg dumun durung nglimbak sakadi mangkin. Nanging sane mangkin teknologi sampun ngancan nglimbak tur sampun canggih, punika sane ngaranayang akeh para krama Bali sane seneng meplalian HP, tur nenten urati tekening plalian tradisional sakadi sane dumun. Daweg mangkin nenten wenten malih para krama Bali sane kadaut manahnyane maplalianan tradisional. Punika ngawinang peplalianan tradisional kawentenane ngancan rered tur ical. Dot manah titiang kawentenan peplalianan tradisional Bali puniki prasida kalaksanayang sakadi dumun sane pinaka sarana hiburan ring kahuripan krama Baline. Nenten ja wantah nginutin kemajuan teknologi kemanten. Santukan meplalianan tradisional puniki pinaka silih tunggil budaya ring sajeroning krama Baline. Punika mawinang ngiring sareng sami, pamekas para yowana Baline ajegang tur lestariang tradisi lan budaya sane wenten ring genah iraga soang-soang mangda setata ajeg tur lestari.
Enable comment auto-refresher