Sampun atiban pulau dewata iraga puniki keni wabah virus sane mematikan sane mawasta COVID-19. Akeh sampun bidang-bidang ring bali sane keni dampaknyane, silih tunggilnyane sane sanget mapangaruh inggih punika ring bidang perekonomian. Krana perekonomian bali puniki masumber saking pariwisata. Krana virus puniki, para toris domestik miwah dura Negara nenten presida malali ka bali krana imbauan saking pemerintah puniki. Akeh utsaha pemerintah anggen mencegah penyebaran virus puniki. Nanging, nenten wenten sane berhasil. Mulai saking penerapan PSBB, PSBB Total, PSBB Transisi, PPKM, PPKM Mikro, PPKM Darurat ngantos PPKM sane sampun ka level 4 puniki. Yening program puniki terus kalaksanayang, para pedagang puniki pastika ngancan bangkrut krana pembatasan puniki. Sane sugih nyangetang sugih, sane tiwas jek pungkit. Yen nenten saking kesadaran iraga, virus puniki nenten ja bakal ilang. Ngiring semeton sareng sami taati manten imbauan saking pemerintah sane mewajibkan nganggen masker, jaga jarak, cuci tangan, lan ingetang mevaksin mangda prasida menekan penyebaran virus covid puniki. Dumogi pamerintah presida ngicenin wantuan ka kaluarga sane seken-seken memerlukan. Lan sane penting, Pemerintah presida ngicenin solusi antuk pemberlakuan PPKM sane nenten surut-surut puniki. Yening solusi tiang, nenten ja perlu terlalu ketat ngaryanin peraturan. Krana pemberlakuan PPKM puniki manten, akeh utsaha sane gulung tikar lan idup masyarakat semakin melarat.
Aktifkan pemuatan ulang komentar otomatis