Pulau Bali sane kaloktak ngantos ke dura negara antuk kebudayaan lan keseniannyane sane melegenda miwah keasrian jagat bali sane makrane tamu saking manca negara seneng ke bali pacang ngelimurang manah nyingakin sekancan kesenian, budaya miwah keasrian jagatnyane. Krama bali sane agamanyane hindu makrane pulau bali puniki akeh madue kebudayaan sane kasenengin sareng tamu manca negarane. Lianan teken budaya, seni, tradisi, miwah jagat sane asri bali akeh madue pura utawi tempat suci sane kaaturin pinaka sembah majeng ring Ida Sang Hyang Widhi Wasa. Tamu manca negara akeh sane seneng nyarengin krama bali ke pura tur nyaksiang budayanyane sekadi mebakti di pura. Nanging malianan tekening punika akeh tamu manca negara sane nenten uning tekening kagunaan pura punika sane ngawinang tamu punika nenten sopan ring pura sekadi contohnyane mafoto ring duur palinggih pura, mafoto nenten nganggo pengangge raga sane makrana pura punika leteh. Saran titiang pinaka yowana bali sekadi : 1. Pura-pura sane ring bali mangda wenten krama sana sayaga nyaga tur dados gaid majeng ring tamu manca negara sane nguningayang sapunapi sepatutnyane ring pura lan sapunapi sane nenten dados kalaksanayang ring pura 2. Mangda wenten penegasan tata krama ritatkala para tamu manca negara punika pacang rumasuk ring pura
Aktifkan pemuatan ulang komentar otomatis