Akeh sane ngenikaang Bali punika wantah pulau seribu pura. Malarapan antuk punika, nenten ngawinang agama sane lianan nenten dados meneng ring Bali, ring Karangasem pemekas nyane ring Desa Budakeling, wenten sane mawasta banjar Saren Jawa. Irika ring Budakeling yening wenten sane nue upakara sekadi ngaben miwah pawiwahan, kramane ring banjar Saren Jawa sareng metetulung, sekadi conto wenten upakara plebon Pedande, para krama saking banjar Saren Jawa sareng ke setre anggen ngeramenin.
Yening cingakin saking conto ring Desa Budakeling, irika sampun ngemargiang toleransi beragama. Irage sareng sami naler patut sareng ngemargiang toleransi beragama ring palemahan iragane malarapan antuk nenten nyempolehang agama sane lianan. Yening sampun nindak sekadi punika, pastika iraga adung masiakrama ring palemahan.
Mawinan irika iraga patut nyinggihan budaya-budaya saking suku sane lianan, sekadi conto wenten timpal sane ngelaksanayang sholat jumat rikala kerja kelompok, iraga dados timpal nenten dados gedeg mawinan wenten timpal sane ijin jagi sholat, iraga patut ngajinin ia sane jagi mebakti, conto sane lianan inggih punika wenten azan ring masjid ring irage meneng, iraga nenten dados gedeg mawinan uyut, iraga mesti tetep ngajinin agama sane lianan. Mangda prasida tetep meadungan sareng parikramane ring palemahan iragane.
Aktifkan pemuatan ulang komentar otomatis