Nyama ajak makejang, nyama nawang tusing Bali ane jani ento nak kaloktah ka dura negara ulian seni, budaya lan tradisi Baline. Tiang demen nawang para krama Baline suba nyak ngajegang lan ngalestariang seni, budaya lan tradisi baline. Sabilang ada rahinan gede tiang demen lakar maturan ka pura, apabuin lakar nepukin pementasan seni budaya lan tradisi ane di pura. Nanging ada ane mekade tiang tusing demen, sabilang ka pura ada doen anak kedewan-dewan mapi-mapi kerauhan, liu lantas anak mebalih lan ngunggah di media sosial. Pepes suba tiang nepukin ane care keto di pura lan media sosial. Nyamane ajak mekejang lek tusing yen nepuk anak ane nyampahang tradisi Baline care keto? liu lantas anake ane uli dura negara nepukin di media sosial. Ene suba ulian anak ane tusing bisa tindih Ken tradisi Baline, makelo-kelo anak ane kene mekade tradisi baline ngancan campah. Yen terus buka kene pasti tradisi Bali ento kadene ngae-ngae lan campahanga teken anak lenan. Tiang dot pesan nawang Krama Baline bisa ngajegang lan ngalestariang tradisi Baline ane madan seken apang Bali stata kaloktah ulian seni, budaya lan tradisi ane adi luhung. Keto nyen pengaptin tiange teken Bali di jamane ane modern ene.
Enable comment auto-refresher