Persatuan Sajeroning Agama
Indonesia inggih punika negara kepulauan sane madue akeh keberagaman. Keberagaman punika wantah pabinayan ras, adat istiadat, budaya, suku, bahasa daerah, lan agama. Keberagaman Indonesia punika sane dados jati diri bangsa Indonesia. Negara Indonesia madue semboyan sane mamunyi Bhinneka Tunggal Ika sane masuksman Berbeda-beda tetapi tetap satu . Maksud sane kawedarang antuk semboyan punika inggih punika yadiastun Indonesia madue akeh pabinayan, masyarakat Indonesia kantun madue rasa persatuan sane kuat. Pabinayan sane akeh punika nenten ngerusak kerukunan lan kesatuan bangsa Indonesia.
Keberagaman lan pabinayan sane akeh ring negara Indonesia inggih punika kasugihan miwah keindahan bangsa Indonesia. Keberagaman pabinayan puniki sane pacang ngukuhang rasa persatuan bangsa Indonesia, nenten ngerusak miwah ngawinang perpecahan ring pantaraning bangsa Indonesia. Iraga patut bangga lan bagia santukan bangsa Indonesia sanget sugih lan ayu.
Silih sinunggil pabinayan ring negara Indonesia inggih punika pabinayan agama. Indonesia madue nem agama sane kauningin inggih punika agama Islam, Hindu, Buddha, Konghucu, Kristen, lan Katolik. Pabinayan agama punika ngranayang dadi pemecah belah persatuan Bangsa Indonesia. Akeh umat beragama sane saling memiyegan antar sesama agama lan beda agama. Pasuyulan punika kadasarin antuk makudang-kudang alasan, minab pabinayan pendapat, pabinayan budaya, kepercayaan lan adat istiadat. Indike punika matungkasan sareng semboyan Bhinneka Tungga Ika. Pabinayan punika sepatutne kaanggen sarana anggen ngaptiang bangsa Indonesia.
Punika mawinan iraga pinaka bangsa Indonesia patut ngajegang rasa persatuan lan kesatuan. Iraga sesama bangsa Indonesia patut madue rasa toleransi lan rasa saling menghargai sane tegeh lan kuat. Sareng kawentenan rasa-rasa nasionalisme punika, iraga bisa ngajegang kerukunan antar sesame Bangsa Indonesia lan ngelestariang keberagaman Indonesia.
Enable comment auto-refresher