Bali utawi ketah kasenggguh pulo dewata inggih punika pulo sane medaging akeh seni miwah budaya. Silih sinunggil seni sane ngawinang para wisatawan rauh ring Bali inggih punika seni makarya Ogoh-ogoh antuk ngundang warsa anyar saka sane kaarak rame-rame ring desa ring rahina pangrupukan utawi rahina sadurung rahina Nyepi. Akeh kreatifitas generasi muda ring ngwedar bakat seni ipun prasida kacingak saking hasil ogoh-ogoh sane kakaryanin kalintang becik lan mduwe artin nyane. Talenta seni generasi muda puniki patut pisan iraga dukung lan apresiasi santukan para yowana Bali mangkin sayan kreatif makarya ogoh-ogoh nganggen bahan alami minakadi bulun siap, kulit salak, keraras, miwah sane lianan. Saking kegiatan punika nyihnayang generasi muda sayan eling antuk ngawigunayang bahan sane ramah lingkungan lan nenten ngrusak gumi. Dumogi generasi muda Bali sayan kreatif makarya ogoh-ogoh antuk bahan ramah lingkungan taler prasida ngelestariang seni lan budaya sane dados warisan leluhur.
Aktifkan pemuatan ulang komentar otomatis