Luputing Sarwa Gering pinaka murda sane kaanggen olih Sekaa Teruna Sari Sabana, Banjar Tegeh Sari, Desa Adat Kerobokan antuk nyanggra pengrupukan tur Hari Raya Nyepi Caka 1945 ring warsane mangkin. Ogoh-ogoh puniki madue unteng minakadi napi kapica ring kauripan mawit saking paripolah para janane. Para wong samar ring ogoh-ogoh punika kacritayang ngrubeda santukan para janane lali antuk nyomia. Pamuputnyane nunas penuntun majeng ring ida pandita, mangdane para janane ngaturang yadnya antuk nyomiang para bhutane. Saking cerita iriki, wantah asiki nilai sane jagi kabaosang majeng ring guru swadyaya, inggih punika mapitungan utawi negosiasi . Sapunapi ja pikobet sane wenten ring gumi sosial, ekonomi, dll mangdane pamerintah mapitungan majeng ring para kramane sami utawi sane ngangganin, nenten ngambil keputusan wantah ring wewidangan pamerintah kemanten. Peran kramane mabuat pesan antuk pamargin ri tatkala pamerintah ngametuang keputusan.
Enable comment auto-refresher