Pulau Bali sampun kaloktah ngantos ka nura negara, sekancan seni lan budaya sane pinih akeh lan sarat antuk nilai agama wenten ring Bali. Punika sami ngawinang jagat Baline kaparinama olih para janane pulau seribu pura, pulau dewata, pulau surga utawi the last paradise . Nanging sekadi jamane mangkin, seni lan budaya lokal punika pacang nyangsang nyusut. Napi malih sepengaruh para wisatawan dura negara lan domestik sane pacang ngeninin kajegang budaya bali. Duaning asapunika budaya baline patut kapiara, katitenin mangda prasida ajeg kanti kawekas. Malarapan antuk punika irage sareng sami sane wiakti dados krama Bali ngutsahayang ngajegang Bali antuk budaya lan seninnyane. Utsaha ngajegang Bali puniki mangdane nenten kalaksanayang olih adiri utawi pupulan para janene sane uning tekening budaya kemanten, nanging olih irage sareng sami sane dados krama Bali, utamannyane sane maagama Hindu, saantukan agama Hindu ring Bali nenten je prasida palas tekening kesenian lan budaya sane sampun rumaket ring soang-soang upacara yadnya ring Bali. Iraga sareng sami patut ngrajegang budaya bali mangda budaya baline tetep asri lan lestari. Yening budaya baline nenten kapiara sinah sampun pacang rered tur runtuh.
Enable comment auto-refresher