Indonesia punika pinaka wewidangan sane banget mekatah sajeroning kawentenan budaya, agama, lan basa. Keberagaman Bangsa Indonesia inggih punika anugerah saking Ida Sang Hyang Widhi Wasa sane patut iraga jaga lan lestariang pinaka asset bangsa sane pinih adiluhung.
Sinalih tunggil keberagaman sane kaduenang olih Bangsa Indonesia inggih punika keberagaman agama. Ring Indonesia, iraga ngangkenin wenten akehnyane 6 agama sekadi: Hindu, Islam, Budha, Kristen Protestan, Katolik, lan Kong Hu Chu. Keberagaman agama punika ngranayang iraga patut uning ring sane kabaos Tat Twam Asi , Tat Twam Asi medaging tetuek inggih punika didalam diriku ada kamu, didalam dirimu ada aku . Antuk uning lan ngeresepang ajahan Tat Twam Asi, manusa pacang mresidayang ngrasayang pakeweh lan suka kauripan ring jagate puniki. Nike mawinan, ring idup puniki iraga patut saling tulungin, apang ngerasayang suka lan duka ring keberagaman umat beragama, yadiastun keyakinan lan kepercayaan ipun mabinayan. Yening iraga mresidayang nincapang rasa-rasa punika, astungkara idup iraga driki ring Bali setata harmonis lan rahayu, sane kawastanin kerukunan umat beragama.
Indonesia inggih punika negara sane banget mekatah kawentenan budaya, agama, lan basa. Iraga patut uning ring sane kabaos toleransi, mangda iraga nenten terpecah belah ulian keberagaman umat beragama, toleransi punika mangda mrasidayang kalaksana iraga patut uning ring sane kabaos Tat Twam Asi. Tat Twam Asi dados ajahan moral ngewangun parilaksana saling asah, asih, lan asuh.
Enable comment auto-refresher