Bangsa Indonesia inggih punika bangsa sane majemuk, kakepah saking makudang- kudang suku, agama miwah ras, sakewala kasor dados bangsa sane ramah tur toleran, pateh taler ring sajeroning maagama. Kemajemukan agama ring Indonesia sampun mekatah suwe taler lintang let katimbang ring mancanegarane. Manut sosiologis niki dados ekses saking mobilitas sosial sane lintang dinamis sejalan sareng proses globalisasi, dadosnyane para pendatang miwah penduduk asli saking makudang-kudang kebudayaan miwah keyakinan ipun maparindikan ring sajeroning genah. Ring maparindikanne puniki dados paiketan integrasi, damai miwah gotong royong, nanging dados prasangka, ketegangan, persaingan, intoleransi, konflik, miwah disintegras. Toleransi teges ipun parilaksana sane nerima ring sajeroning pikayun, kepercayaan, agama, budaya sane matiyosan. Sakewala Susan Mendusun ring daging bukunyane, toleransi kakepah dados kalih inggih punika, Toleransi Negatif miwah Toleransi Positif. Sane kapertama kawedar toleransi punika wantah cukup ngabanggiang tur nenten nyakitin anake utawi kelompok sane tiyosan. Sane kaping kalih kawedar toleransi lintang teken puniki, taler ngamargiang wantuan taler kerjasama sareng kelompok sane tiyosan. Konsep toleransi positif puniki sane kakembangin ring sajeroning paiketan sosial ring negara puniki sane kawastanin karukunan. Dadosnyane, kerukunan beragama inggih punika kawentenan paiketan antarumat meagama sane kadasarin toleransi, saling pengertian lan saling menghormati ring sajeroning ngamargiang ajaran agama miwah kerjasama ring sajeroning kahuripan ring jagate. Ring asapunika ngiring sane mangkin iraga sareng sami mangda prasida ngajegan toleransi antuk umat maagama mawit saking padewekan mangda bangsa lan negara puniki tegteg ajeg lan lestari.
Enable comment auto-refresher