Warsa 2022 sampun ngranjing saking Januari puniki. Galahne sampun pas antuk ngranjingin pariwisata Baline sane new normal. Bandara ring Bali sampun mabukak antuk penerbangan internasional. Iraga sareng sami uning indike puniki merluang galah antuk ngembaliang kahanan sane ipidan. Pinaka anak sane makarya ring sektor pariwisata, titiang wenten piteket sane patut kamargiang olih pamerintah Baline. Inggih punika, nglaksanayang promosi utawi iklan ring media sosial sane nglibatin makudang kalangan. Sakadi conto, promosi indik malali ka Bali olih artis, olih influencer, kantos pabisnis saking Indonesia miwah dura negara sane akeh anake nemenin ring sosial media.
Sakancan jagate sakadi mangkin, sami kramane ngelah gadget sane anggena masekolah, makarya katos nganggen media sosial, miwah sane lianan. Sakadi punika, pamerintah patut nglaksanayang promosi indik baga sane sawai-wai anggena olih kramane. Dumogi pajalan sane kaambil puniki prasida kajujuh olih kramane liu miwah prasida ngulihang klebet kramane indik jagat Bali sane kasub indik budaya miwah alam sane asri.
Enable comment auto-refresher