Sapunapi parilaksana dados nata ratu sampun sepatutnyane ngambel i panjak mangda mangguhin sane kabawos kasukertaan. Nanging kasukertaan punika wantah wacana kemanten rikala kampanye , malepug wacana- wacana taler janji manis sane kasobyahang ring i panjak mangda kadaut cumpu dados nata ratu . Risampune dados nata ratu samian dados wacana , dana sane sepatutnyane anggen ngewangun kasukertaan i panjak macelep ring rekening pribadi . Dadosnyane pembangunan nenten pragat - pragat , alit - alit sane sapatutnyane polih pendidikan sane layak nenten ngemolihang , wenten pengangguran krana nenten presida naur pajak sane akeh taler kemiskinan durung kaicalang , sane makardi i panjak setata lacur taler nemu sengsara krana sang nata ratu maruk . Nenten pelih i panjak setata nuntut kasukertaan punika . I panjak katuntut mangda ngemolihang kasukertaan punika presida ninutin napi sane sampun katitahin . Yening nata ratu sampun nenten ngambel parilaksana dados nata ratu ngangge sepatutnyane gelah i panjak taler setata ninutin keneh pedidi, asapunapi i panjak presida ninutin nata ratu kadipunika? cumpu sareng sami nata ratu kadiaspunika tetep ngambel jagate ? Pateh sakadi Ogoh - Ogoh sane Mamurda Kali Cita Pralaya. Wantah nata ratu sane nenten becik pacang nemuang pajak sane kabawos pralaya utawi kehancuran.
Enable comment auto-refresher