Dugas dibi peteng tiang mireng orti ring TVne, ngenenin indik milihin lan ngolah leluu plastik. Sabilang tiban leluu plastik sane anggon iraga ento ngancan ngaliunan .Pemerintah sampun sesai ngewanti-wanti sameton Bali mangda sareng - sareng ngalaksanayang program pemerintah sane becik puniki ring wewidangan Jagat Baline. Daging orti punika ngenenin indik sameton ring Bali kaaptiang mangda setata urati ring leluu sane wenten ring wewidangan iragane sareng sami. Leluu plastik lan leluu dondonan punika sampun tan kauratiang olih sameton Bali. Sameton Bali tan urati ring pikobet sane kawetuang yening iraga sareng sami tan ngolah lan milihin leluu sane wenten ring jagat Bali puniki. Leluu plastik sepatutnyane dados kaanggen kerajinan apang tusing medugdug sekadi mangkin. Yening tan iraga milihin lan ngolah leluune ento, Sira Malih? Mangda jagat Baline setata asri ngiring iraga sareng sami eling ring raga mangda setata ngolah leluu sane wenten ring wewidangan iragane soang-soang. Sumangdane pianak cucu iraga riwekas setata ngarasayang jagat Baline sane asri .
Aktifkan pemuatan ulang komentar otomatis