Kawentenan pulo Baline pinaka pulo wisata budaya sane sampun kaloktah kantos ke dura Negara. Sampun sami uning tur pawikan, punika sami ngawinang jagat Baline kaparinama olih para janane Pulau seribu pura, Pulau dewata .
Sane ngawinang pulau Baline kaparinama asapunika tur kasenengin olih para janane boyaja tios, punika santukan keasrian palemahan pulau Baline, ring pawongan kasuguhang antuk seni lan budaya Bali taler ring prahyangan sane unik lan asri. Make sami punika sampun menggah ring ajah ajahan tri hita karana mawinan asapunika iraga sareng sami patut grajegang lan ngelaksanayang ajahan Tri Hita Karana. Mangdane ring prayangan, palemahan lan pawongan ring baline tetep asri, lan lestari. Silih sinunggil sane kanggen nguratang tur ngewerdiang seni budaya inggih punika wantah Basa Bali, Tetabuhan lan Tari-Tarian druene sane pinaka tetamian utawi warisan saking leluhur Bali. Punika ngawinang iraga patut bangga dados generasi penerus Bali. Pinunas titiang sumangdane budayane nenten rusak tur punah, ngiring sareng-sareng lestariang budaya Baline.
Aktifkan pemuatan ulang komentar otomatis