Jagat Bali sampun kasub tur kasumbung kantos ka manca negara, santukan adat, tradisi, seni lan budayanyane sane linuih pisan. Ring aab sakadi mangkin, akeh pisan krama tamiu dura negara, sane ngardi arohara biuta ring jagat bali, mawanan leteh wawidangane. Wenten sane malinggih ring padmasanane, wenten sane majaguran, wenten sane makta narkoba, wenten sane mamandung ngamaling. Makeh pisan paridabdab wisatawan asinge sane tan manut ring tata titi maparilaksana. Yening punika uratiang, sepatutnyane wisatawan dura negarane sampunang icenina ngranjing ka jroan pura genah sane suci tur pingit. Tios ring punika, wisatawan sane ngardi biuta mangda kawaliang ka negaranyane soang-soang. Ngiring sareng sami mautsaha nyaga jagat baline mangda ngancan kukuh adat, agama, tradisi, seni lan budaya druene. Pamerintah sepatutnyane ngancan nguratiang kasucian lan kautaman palemahan wewidangan purane. Titiang mapangapti, mangda pura-pura ring jagat bali prasida becik tur asri palemahanne... Sekadi pengelolaan luu organik, luu plastik miwah sane tiosan mangda sayan katincapang malih
Aktifkan pemuatan ulang komentar otomatis