Pikobet ngeninin luu, sampun akeh pisan kewicaraang ring sejebag jagat, cutetipun ring Bali. Pikobet puniki nenten surud-surud polih uratian saantukan durung kepanggihin pemargi sane janten jagi prasida kaanggen solusi. Silih sinunggil sane ngawinang pikobet puniki meweh manggigihin solusi, saantukan kantun akeh krama sane ngutang utawi ngenahang leluu ring genah sane nenten sepatutne. Punika taler ring genah tityange, kantun akeh para kramane sane makte luun ipun ke tukade. Napi malih luu plastik sane kantos mejujul akeh pisan. Pikobet puniki durung polih uratian saking prajuru santukan ring desa-desa durung wenten uger-uger ngeninin ngutang luu. Punika mawainan kantun akeh kramane sane ngutang luu sekayun ipun. Tityang wantah mepengapti, kepungkur dumogi pikobet puniki ngemanggihin solusi sane tepat. Ngiring irage sareng-sareng, nincapang keuratian indik pikobet puniki. Antuk memilah leluu ring paumahan soang-soang tur mangde nyobyahang himbauan membuang sampah pada tempatnya. Ngiring sareng-sareng nyage mangdene gumin irage puniki tetep prasida ajeg tur asri.
Enable comment auto-refresher