Ring dinane mangkin, liu gati orti sane nyeritayang intoleransi agama sane wenten ring negara-negara. Contone, wenten pianake saking dura negara sane salat ring Amerika Serikat, gugulina olih pianak sane lenan. Sikap cara niki ten becik lan ten sepatutne iraga tiru. Sebenarne, liu wenten peristiwa intoleransi ring dura negara mangkin, negara raga masih. Bali inggih punika pulo sane kalokta ring dura negara. Liu wenten tongos wisata sane kademenan olih turis-turis. Bali ten je luung tongos wisatane gen, Bali punika wantah toleransine kuat gati masih. Ring Bali, wenten 5 tongos ibadah sane majejer dadi siki tempat sane maadan Puja Mandala sane kaletak ring Nusa Dua. Pamedek-pamedek uling 5 agama nyidang mebakti dini madampingan. Sane cara niki punika wantah conto sikap toleransi sane raga patut contoin. Panerapan sikap toleransi aluh gati lan nyidang raga terapin saking hal sane cenik. Contone, yening wenten semeton agama len sane mebakti, tusing dadi raga gugul. Sepatutne raga saling ngajinang. Len agama tusing maarti iraga ten nyidang menyama braya. Len agama tusing maarti iraga ten nyidang bareng-bareng. Nu nyidang raga bersosialisasi siki jak len, napi gen agamane. Iraga ten dadi masih ngorang yening agama ragane agama sane paling beneh, yening agama len ten. Agama konyangan inggih punika beneh bagi pemeluk-pemelukne. Toleransi nika katane. Dumogi kerahayuan lan toleransi setata ring gumi iragane.
Enable comment auto-refresher